Ledig 100% stilling på natt som sjukepleiar

Vi i Aukra søkjer deg som er sjukepleiar, som trivs med nattarbeid og som ønskjer å utgjere ein forskjell i nokon sitt liv, som fast nattevakt i 100% stilling. Stillinga kan kombinerast med nattarbeid på helg og dagstilling, eller rein nattstilling.

Om oss

Aukra Omsorgssenter ligg på Gossen, 12 minutt med gratis ferje frå Hollingsholmen. Vi flytta inn i Aukra Omsorgssenter i 2018. Omsorgssenteret består av:

• Sjukeheim med tre ulike avdelingar; langtidsavdeling, korttidsavdeling og skjerma avdeling.
• 20 heildøgns omsorgsboligar som blir betent av heimetenesta
• Base for heimebaserte tenester
• Legevaktsatellitt
• Dagsenter

Arbeidsoppgåver

• Sjukepleiefagleg oppfølging og observasjon av pasientar/bebuarar gjennom natta.
• Handtering og vurdering av akutte situasjonar.
• Administrering av medikament og dokumentasjon etter gjeldande rutiner.
• Samarbeid med lege, legevakt og anna helsepersonell ved behov.
• Mottak og handtering av pasientar på legevaktsatellitt.
• Ivaretaking av pasientane sine grunnleggjande behov og tryggleik.

Vi tilbyr

• Eit framforhandla tillegg på 22 500 kr/år for sjukepleiarar som går natt.
• Aukra kommune sitt eige stabilitetstillegg på 100 000 kr som blir utbetalt kvart fjerde år.
• 8 års ansiennitet frå fyrste arbeidsdag.
• Tilrettelegging for vidareutdanning.
• Eit veldig kjekt og innhaldsrikt arbeidsmiljø.