Ørsta Brygge Sameige søker vaktmeister

Ørsta Brygge Sameige er på utkikk etter ein påliteleg, praktisk og sjølvstendig vaktmeister som kan bidra til at eigedomen vår blir godt teken vare på i kvardagen. Sameiget består av bustader, næringsseksjonar, fellesareal, tekniske installasjonar og uteområde.

Arbeidsoppgaver

Arbeidet vil mellom anna omfatte:

• Handtering av boss, inkludert ut- og innkøyring av avfallsbehaldarar, montering av nye sekkar og spyling ved behov.
• Tilsyn med belysning i inngangsparti og felles gangareal.
• Fjerning av snø etter brøyting ved inngangsparti, samt strøing ved behov.
• Kontroll og reinsking av taksluk, særleg i periodar med mykje lauv.
• Spyling av utvendige fellesareal.
• Dagleg tilsyn med teknisk rom.
• Reinsking av sjøvassfilter og føring av temperaturar og trykk knytt til varmepumpeanlegget.
• Mindre førefallande vedlikehald, til dømes enkle målejobbar, mindre reparasjonar, fjerning av ugras og liknande.
• Kontroll av sprinkleranlegg, avlesing av trykk og testing av alarm.
• Reinsking/støvsuging av dørskinner i heisane.
• Rapportering til styret eller teknisk gruppe ved feil, manglar eller behov for større tiltak.

Vi tilbyr

• Eit fleksibelt deltidsoppdrag med arbeidstid som i stor grad kan tilpassast eigen kvardag.
• Om lag 30 timar arbeid per månad.
• Varierte og praktiske arbeidsoppgåver gjennom året.
• Stor grad av sjølvstende i planlegging og gjennomføring av arbeidet.
• God dialog med styret og teknisk gruppe.