Vikariat som kommunepsykolog i Voss, Eidfjord,Ulvik og Vaksdal i 100 % stilling

Vikariat som kommunepsykolog i Voss, Eidfjord, Ulvik og Vaksdal

Voss herad søkjer ein engasjert kommunepsykolog til eit vikariat i 100 % stilling. Samarbeidet mellom kommunane Ulvik, Eidfjord, Vaksdal og Voss siktar mot å levera robuste kommunepsykologtenester av høg kvalitet. Du vil bli ein del av eit sterkt fagleg miljø og jobba ut frå det nye kontorbygget «Knutepunktet» på Voss.

Arbeidsoppgåver

• Arbeid på individ-, gruppe- og systemnivå.
• Vurdering, kartleggingssamtaler og oppfølging.
• Kortvarig behandling av lette til moderate psykiske lidingar (3-5 konsultasjonar).
• Kartleggje behov for behandling og vise til spesialisthelsetenesta ved alvorlege psykiske lidingar.
• Bidra i arbeidet med kompetanseutvikling og rettleiing av tilsette.
• Samarbeid med andre tenester internt og eksternt, samt delta i kommunalt kriseteam.

Me tilbyr

• Eit godt, aktivt og tverrfagleg fagmiljø basert på samarbeid.
• Utfordrande og sjølvstendige arbeidsoppgåver med stor grad av autonomi.
• Medverknad i utvikling av psykologtenesta og deltaking i fagfellesskap.
• Kontor i nye, flotte lokaler.
• Konkurransedyktig lønn og gode pensjons- og forsikringsordningar.