Ynskjer du å bidra i arbeidet med grøn omstilling?

Ynskjer du å bidra i arbeidet med grøn omstilling?

Klima- og miljødepartementet søkjer ein engasjert jurist til seksjon for grønn omstilling. Seksjonen har ansvar for energiomstilling, berekraftig næringsliv og berekraftig finans, og arbeider i skjæringspunktet mellom økonomisk utvikling og grøn omstilling.

Dine arbeidsoppgåver inneber:

• Juridisk rådgiving og utgreiingsarbeid innanfor heile ansvarsområdet til seksjonen.
• Lov- og forskriftsarbeid, særleg knytt til gjennomføring av CBAM og endringar i CO2-kompensasjonsordninga.
• Arbeid knytt til innlemming av CBAM i EØS-avtalen, inkludert forhandlingar med EØS/EFTA-statane og Europakommisjonen.
• Generelle koordineringsoppgåver knytt til CBAM, inkludert intern saksførebuing og oppfølging av medieførespurnadar.
• Oppfølging av anna EU-regelverk og arbeid knytt til ansvarleg styresmakt.