Sjukehusprest/sjukehusdiakon/tru- og livssynssamtalepartnar

Sjukehusprest/sjukehusdiakon/tru- og livssynssamtalepartnar

Helse Møre og Romsdal HF har ledig eit vikariat i inntil 100 % stilling som sjukehusprest, sjukehusdiakon eller tru- og livssynssamtalepartnar. Vi ønskjer søkjarar med relevant utdanning og kompetanse innan tru-, livssyns- og eksistensielle samtalar.

Den utlyste stillinga omfattar arbeid ved sjukehusa i Volda og Ålesund, i tillegg til psykisk helsevern og rustenestene i området. Preste- og samtaletenesta er ei livssynsope teneste som tilbyr støtte og samtalar til pasientar og pårørande, uavhengig av religion, tru eller livssyn.

Arbeidsoppgåver

• Gjennomføre støttande og eksistensielle samtalar med pasientar og pårørande i tett samarbeid med behandlarar og pleiepersonell.
• Planleggje, gjennomføre og vidareutvikle ritual og seremonielle handlingar tilpassa pasientar, pårørande og situasjonar.
• Bidra til fagleg utvikling og kvalitetssikring av Preste- og samtaletenesta sitt tilbod ved sjukehusa.
• Delta i undervisning og opplæring for pasientar og pårørande i samarbeid med Lærings- og meistringssenteret.
• Medverke i psykososial beredskap ved kriser, alvorlege hendingar og ulykker.
• Gi undervisning, rettleiing og fagleg støtte til tilsette, samt delta aktivt i tverrfaglege team.
• Delta i tenesta si beredskapsordning for tilkalling utanom ordinær arbeidstid.