Kantor / kyrkjemusikar Ellingsøy sokn - 50% stilling

Det er ledig stilling som kantor/kyrkjemusikar i 50 % i Ålesund kyrkjelege fellesråd med Ellingsøy sokn som arbeidsstad.

Ellingsøy sokn ligg i Ålesund kommune og utgjer saman med Borgund sokn eit samarbeidsområde. Kyrkjelyden har sokneprest, kantor, kyrkjetenar, dagleg leiar, diakon, kyrkjelydspedagog og kateket/ungdomsprest. Det er stabsfellesskap mellom sokna med felles dagleg leiar, diakon, kyrkjelydspedagog og kateket/ungdomsprest.

Ellingsøy sokn har ca. 2000 medlemer. Soknet har ei arbeidskyrkje vigsla i 1998 med ca. 400 sitjeplassar, stor kyrkjelydssal med nytt lyd- og lysanlegg og kontor for tilsette. Orgelet er bygd av Ryde & Berg i 2002 og har 16 stemmer.

Arbeidsoppgåver

• Tenestegjere ved gudstenester og andre kyrkjelege handlingar.
• Lede og utvikle kyrkjelydens musikk og kulturarbeid.
• Gi støtte til kyrkjelydens øvrige arbeid og inngå i tverrfaglege satsingar.
• Vere ein kyrkjemusikalsk ressurs for kyrkjelyd, stab og fellesråd.
• Delta i stabs- og fagmøte og andre administrative møtepunkt.

Vi tilbyr

• Hyggelege kollegar i ein stab som har fokus på eit godt og sosialt arbeidsmiljø.
• Spennande og varierte arbeidsoppgåver og gode moglegheiter for fagleg utvikling.
• Eit engasjert sokneråd dei tilsette kan samarbeide med.
• Lønn etter KAs tariffavtale.
• Pensjons- og forsikringsordningar.