Postdoktorstilling

Postdoktorstilling

Ved Institutt for språk og litteratur ved Høgskulen i Volda er det ledig ei 3-årig postdoktorstilling. Stillinga er knytt til forskingsprosjektet Multilectal Individual Differences in Reading (MInDReading): Neurocognitive and Behavioral Effects of Dialect Exposure on Literacy Development, finansiert av Noregs forskingsråd i perioden august 2026-juli 2030.

Postdoktorstillinga er ei kvalifiseringsstilling med mål om at den tilsette skal byggje opp ein forskarprofil og bli kvalifisert for stilling som førsteamanuensis.

Om prosjektet

MInDReading undersøkjer korleis erfaring med nærskylde språkvarietetar påverkar språkprosessering i sanntid ved lytting og lesing. Prosjektet har tre hovudkomponentar:

• Utvikling og validering av spørjeskjema for å kartleggje individuell multilektal erfaring.
• EEG-studiar som undersøkjer korleis regionalt varierande grammatiske mønster blir handsama i hjernen.
• Blikksporing ved lesing for å måle korleis individuelle skilnader i dialekteksponering påverkar naturleg lesing.

Arbeidsfelt

Postdoktoren skal mellom anna:

• Bidra til planlegging, gjennomføring og dokumentasjon av studiar i prosjektet.
• Rekruttere og teste deltakarar og gjennomføre praktisk laboratoriearbeid.
• Analysere og formidle resultat gjennom konferansebidrag og vitskaplege publikasjonar.
• Ta ei leiande rolle i delar av prosjektet i tett samarbeid med prosjektleiar.