Vil du hjelpe folk med å realisere byggeprosjekta sine?

Montér Stord styrkjer laget og søkjer ein engasjert og løysingsorientert seljar til byggeservice-avdelinga vår. Vi ser etter deg som ønskjer å bidra til gode kundeopplevingar – enten kundane byggjer nytt, pussar opp eller treng faglege råd til mindre prosjekt.

Hos oss får du ei sentral rolle i kunden si reise – frå første idé til ferdig løysing. Du blir ein del av eit inkluderande og kompetent team med høg yrkesstoltheit og godt samhald.

Kva inneber rolla?

Som seljar innan byggeservice vil du:

• Jobbe med aktivt sal og fagleg rettleiing
• Følgje opp kundeprosjekt og utarbeide tilbod
• Sørgje for god vareflyt og orden i avdelinga
• Bidra til at varehuset framstår attraktivt og inspirerande
• Vere ein positiv bidragsytar til arbeidsmiljø og samarbeid

Hos Montér Stord set vi HMS høgt, og du får grundig opplæring i våre rutinar og system.

Kven ser vi etter?

Vi trur du:

• Har erfaring frå sal eller bygg-/varehandel – gjerne, men ikkje eit krav
• Er serviceinnstilt, strukturert og trivst med kundekontakt
• Tek initiativ og stiller opp der det trengst
• Har god arbeidskapasitet og trivst i eit miljø med tempo

Det viktigaste for oss er motivasjon, engasjement og eit ekte ønskje om å skape gode kundeopplevingar.

Kvifor velje oss?

I Optimera er verdiane våre Offensiv, Profesjonell og Personleg (OPP) førande for korleis vi jobbar. Vi satsar på berekraftige løysingar og framtidas bygg – og vi investerer i deg som medarbeidar.

Vi tilbyr:

• Gode pensjons- og forsikringsordningar, inkludert helseforsikring
• Gunstige rabattar gjennom personalkjøpsordning
• Moglegheit for aksjesparing i konsernet
• Tilgang til Optimera Akademiet – vår digitale læringsplattform