Stipendiat innan forskingsprosjektet Singing Maps

Ved Høgskulen på Vestlandet (HVL) er det ledig ei stilling som stipendiat innan forskingsprosjektet Singing Maps: developing online music communities to support Sámi adolescent cultural resilience, ved Fakultet for lærarutdanning, kultur og idrett. Stillinga inngår i Institutt for kunstfag, campus Bergen.

Om prosjektet

Forskingsprosjektet Singing Maps er eit 4-årig (2025-2029) forskingsprosjekt finansiert av Forskningsrådet som skal bygge kunnskap om og utvide deltaking av samiske ungdommar i samiske musikalske tradisjonar. Prosjektet vil utvikle eit nettbasert musikklæringsfellesskap for bruk i vidaregåande opplæring i Norge, Finland og Sverige.

Om stillinga

Stipendiatstillinga vil vere knytt til Singing Maps-prosjektet med ei musikkpedagogisk forskingsinnretting, og vil særskilt koplast til forsking på samiske vokale tradisjonar og kandidaten si eiga kunstnarleg verksemd og identitet. Stipendiaten skal inngå i eit godkjent opplegg for ph.d.-grad innan ei tidsramme på 3 år.

Ansvars- og arbeidsområde

• Gjennomføre eige ph.d.-prosjekt.
• Gjennomføre obligatorisk del i doktorgradsprogrammet «Studiar av danning og didaktiske praksisar».
• Delta i stipendiatforumet ved FLKI og bidra aktivt i forskargruppa Singing Maps.
• Samarbeide med teamet for å utvikle vitskaplege publikasjonar, seminar og pedagogisk materiale.