Klinikkleiar

Vestland fylkeskommune søkjer etter tre nye klinikkleiarar til tannhelsetenesta. Som klinikkleiar får du ei rolle der du tek vare på menneska og bidreg til å utvikle gode, trygge og moderne tenester.

Arbeidsoppgåver

• Ansvar for personalleiing av dei tilsette, inkludert kompetanseutvikling, medarbeidaroppfølging og rekruttering.
• Byggje og vidareutvikle trygge og inkluderande arbeidsmiljø, med vekt på medverknad, samarbeid og kontinuerleg fagleg utvikling.
• Ansvar for budsjett og økonomistyring for eigne klinikkar.
• Sørgje for at vedtak, føringar og styringsdokument blir følgde opp og operasjonaliserte i den daglege drifta.
• Syte for at drifta er i tråd med lover og retningslinjer, og følgjer målsetnadane til Vestland tannhelseteneste.
• Sikre at klinikkane tilbyr tenester med høg fagleg kvalitet, god pasienttryggleik og profesjonell service.
• Vere ein aktiv deltakar i områdeleiar si leiargruppe og bidra i strategiske utviklingsprosessar.

Vi tilbyr

• Ei spanande og variert leiarstilling i eit fagmiljø med høg kompetanse og engasjement.
• Deltaking i Vestland fylkeskommune sitt leiarutviklingsprogram.
• Eit sterkt leiarfelleskap i tannhelseområdet si leiargruppe.
• Løn etter avtale i tråd med Vestland fylkeskommune sin lønspolitikk.
• Fylkeskommunale tilsetjingsvilkår med gode offentlege forsikrings- og pensjonsordningar.