Ungdomskoordinator med rådgiveroppgaver

Ungdomskoordinator med rådgiveroppgaver

Konfliktrådet er ein trygg møteplass for menneske som står på kvar si side av eit lovbrot, ei uønskt hending eller ein konflikt. Konfliktrådet forvaltar straffereaksjonane ungdomsstraff, ungdomsoppfølging og oppfølging i konfliktråd, og har eit særleg ansvar for unge i konflikt med lova.

Om stillinga

Som ungdomskoordinator skal du setje saman og leie eit oppfølgingsteam rundt ungdommen og utarbeide ein ungdomsplan med tiltak som ungdommen forpliktar seg til å følgje. Dette arbeidet skjer i tett samarbeid med ungdommen, ungdommen sin verje, privat nettverk og offentlege instansar som politi, barnevern, skule, kriminalomsorg og helsetenester.

Du vil som ungdomskoordinator med rådgivaroppgåver bidra til konfliktrådet sine øvrige oppgåver gjennom saksbehandling av meklingssaker, fagleg oppfølging av meklarar og rettleiing i bruk av gjenopprettande prosess.

Vi tilbyr

• Betydelig innsikt i regionen og ei brei kontaktflate
• Moglegheit til å gjere ein forskjell og utføre eit arbeid som har stor betydning for samfunnet
• Medlemskap i Statens pensjonskasse
• Fleksibel arbeidstidsordning
• Høve til trening i arbeidstida