Rådgjevar videoproduksjon

Brann- og redningsskulen søker ein engasjert og allsidig videoprodusent som vil vere med på å utvikle våre digitale læringsressursar. Hjå oss får du kombinere kreativ historieforteljing, pedagogisk formidling og moderne videoproduksjon i eit fagmiljø med eit viktig samfunnsoppdrag.

Ansvar og arbeidsoppgåver

• Leie produksjon av pedagogiske videoressursar til bruk i undervisning.
• Planlegge, gjennomføre og ferdigstille lyd- og videoopptak både i studio og ute i operative miljø.
• Bidra til å gjere fagstoff forståeleg og engasjerande gjennom visuell formidling.
• Gjennomføre kurs og rettleie tilsette i prosessen med videoproduksjon - frå idéutvikling til publisering.
• Samarbeide tett med kollegaer på tvers av seksjonar og med eksterne aktørar.
• Ta del i utvikling av standardar, malar og beste praksis for videoproduksjon.
• Ta del i arbeidet med kommunikasjon og våre digitale læringsarenaer.

Kvalifikasjonar

Du må ha:

• Høgare utdanning innan film, foto, medieproduksjon, journalistikk, PR, kommunikasjon, medievitskap eller retorikk.
• Erfaring med planlegging og produksjon av video.
• Erfaring med videoredigering i Adobe Premiere Pro eller tilsvarande programvare.
• God norsk skriftleg og munleg framstillingsevne.

Hjå oss får du

• Innplassering i stillingskode vert vurdert ut frå utdanning og erfaring.
• Vera med på eit viktig samfunnsoppdrag.
• Medlemsskap i Statens pensjonskasse (SPK).
• Fleksibel arbeidstid.
• Høve til å trene i arbeidstida og tilgang på styrkerom og gymsal.