Overingeniør / Senioringeniør

Vil du vere med og forme framtidas lærings- og arbeidsmiljø ved Universitetet i Bergen? Hos oss får du jobbe i hjartet av ein historisk campus - samstundes som du bidreg til å utvikle moderne, fleksible og berekraftige rom for studentar og tilsette.

Arbeidsoppgåver:

I rolla som interiørarkitekt vil du ha ei sentral rolle i å utvikle gode romopplevingar ved UiB. Arbeids- og ansvarsområde er mellom anna å:

• Leie og gjennomføre interiørprosjekt, inkludert koordinering av utførande
• Utforme inspirerande og funksjonelle læringsmiljø og gode arbeidsmiljø
• Gjennomføre val av materiale, møblar, fargar, lys og akustiske løysingar
• Integrere ombruk og redesign i prosjekta, i tråd med berekraftstrategien til UiB
• Teikne og visualisere i AutoCAD/Revit (eller tilsvarande)
• Jobbe tett i dialog med brukarar, prosjektleiarar, drift og leverandørar
• Ivareta universell utforming, HMS og kvalitet i alle løysingar
• Delta i lett, praktisk arbeid for å sikre god flyt i møbelombruk

Vi tilbyr:

• Ei fagleg interessant rolle med stor variasjon i oppgåver
• Prosjekt av ulik storleik og kompleksitet, tett på universitetet si verksemd
• Eit erfarent og tverrfagleg prosjektmiljø
• Stilling som overingeniør (kode 1087) i årsløn kr. 642 000 - 710 000, eller senioringeniør (kode 1181) i årsløn kr 722 000 - 800 000 etter kvalifikasjoner
• Gode moglegheiter for fagleg og personleg utvikling
• Medlemsskap i Statens pensjonskasse
• Gode velferdsordningar