Psykologspesialist

Vil du vere med å vidareutvikle framtidas psykiske helsetenester i Bergen – tett på menneske med samansette behov, og i eit team som er i ferd med å ta form? Kronstad distriktspsykiatriske senter (DPS) søkjer psykologspesialist til FACT allmenn-teamet vårt.

Arbeidsoppgåver

• Delta aktivt i utviklinga av teamet sin faglege profil, behandlingsfilosofi og arbeidsmåtar i tråd med prosjektbeskriving og FACT-modellen.
• Ha psykologfagleg spesialistansvar for pasientar i teamet, inkludert utgreiing, diagnostisering, behandlingsplanlegging og behandling.
• Utføre både poliklinisk og ambulant, oppsøkjande behandling og rehabiliteringsarbeid for vaksne med alvorlege psykiske lidingar og samansette behov.
• Delta i tett tverrfagleg samarbeid i FACT allmenn-teamet, med felles ansvar for oppfølging, evaluering og justering av tiltak.
• Bidra med rettleiing, undervisning og fagleg støtte til samarbeidspartnarar i det lokale hjelpeapparatet, samt delta i nettverks- og samhandlingsarbeid.
• Samhandle tett med kommunale tenester og andre delar av spesialisthelsetenesta for å sikre heilskaplege og koordinerte pasientforløp.
• Medverke i rettleiing av studentar og psykologar/legar i spesialisering.

Vi tilbyr

• Eit spennande og engasjerande arbeidsmiljø med høge faglege ambisjonar.
• Gode moglegheiter for personleg og fagleg utvikling.
• Ein unik moglegheit til å vere med og forme eit nytt og framtidsretta behandlingstilbod.
• Gode pensjons- og forsikringsordningar.
• Lønn og arbeidsvilkår i tråd med gjeldande overeinskomst.