Logoped / pedagogisk-psykologisk rådgjevar

PPT Kvam er organisert i eining for Oppvekst saman med skule, barnehage, barnevern, helsestasjon og skulehelsetenesta og familiesenter. PPT er også ein del av Kvam Familie- og Læringssenter (KFL) der dei tenestene som jobbar med born og unge er organiserte saman. Målet med samorganiseringa er å betra det tverrfaglege arbeidet mellom dei kommunale hjelpetenestene for barn og unge i Kvam.

Arbeidsoppgåver

Som PP-rådgjevar:

• Gjennomføra sakkunnig utgreiing der lova krev det.
• Kartlegging av lærevanskar - først og fremst knytt til språklege utfordringar og lese- og skrivevanskar.
• Samarbeida med og støtta barnehage og skule i det førebyggjande arbeidet for å skapa inkluderande tilbod.
• Hjelpa til med og bidra til kompetanseutvikling for eit inkluderande opplæringstilbod.
• Støtta og rettleia barnehagar og skular med å utgreia behovet for tilrettelegging.
• Vera fast ute i barnehagar/skular for å samarbeida med tilsette.

Som utøvande logoped:

• Logopedisk arbeid direkte med born/elevar/vaksne.
• Samarbeid, rettleiing og kompetanseheving til tilsette i barnehage og skule.
• Samarbeida med andre pp-rådgjevarar der det er behov for logopedisk bistand.