Barnevernkonsulent/familierettleiar

Samnanger barnevernteneste er ei av dei minste barneverntenestene i regionen – men me har store ambisjonar. Me har no ledig ei 100 % fast stilling som barnevernskonsulent/familierettleiar.

Arbeidsoppgåver

• Sakshandsaming og oppfølging etter barnevernslova, inkludert undersøkingar, kartleggingar, vurderingar og oppfølging av hjelpetiltak.
• Tverrfagleg samarbeid med skular, barnehagar, PPT og andre relevante samarbeidspartnarar.
• Oppfølging av barn og unge i fosterheim og institusjon.
• Utarbeiding av saksframlegg og representasjon av kommunen i saker for Barnevern- og helsenemnda.
• Samtalar med barn, ungdom og føresette, familierettleiing og målretta endrings- og tiltaksarbeid.
• Leiing av rettleiingsgrupper og oppfølging av besøksheimar, fosterheimar og fritidskontaktar.
• Deltaking i Samnangerhjelpa og kommunen sitt førebyggjande arbeid gjennom tidleg innsats og tverrfagleg samarbeid.

Me tilbyr

Hjå oss får du høve til å gjere ein reell forskjell for barn, unge og familiar. Du blir ein del av eit lite, engasjert og kompetent fagmiljø med korte beslutningsvegar. Me tilbyr fleksibel arbeidstid, gode velferdsordningar og lønns-, pensjons- og forsikringsordningar etter gjeldande avtaleverk.