Jordmor - inntil 100% mellombels

Vil du fylgje livets viktigaste augneblink i Vest-Telemark? Som jordmor i Vest-Telemark får du arbeide i eit jordmorsamarbeid med stor variasjon og nærleik til kvinnene. Å arbeide som jordmor i Vest-Telemark krev at du trivst med å arbeide sjølvstendig, og i eit distrikt med store avstandar - men du får også nærleik til natur og eit godt fagmiljø!

Jordmorsamarbeidet i Vest-Telemark gjev tilbod om svangerskap- og barselomsorg for fem kommunar, og beredskap- og fylgjeteneste frå Jordmorvakta i Seljord til seks kommunar.

Me har ledig inntil 100 % mellombels stilling frå 01.10.2026. Det er høve for fast tilsetting dersom samarbeidet med Sykehuset Telemark helseforetak (STHF) om beredskap- og fylgjeteneste ikkje vert avslutta i april 2027. Stillinga er ein kombinasjon av arbeid på dagtid og døgnvakter, og består av svangerskaps- og barseloppfylging på helsestasjon og beredskap- og fylgeteneste. Oppmøtestad er Seljord.

Arbeidsoppgåver

• Gjennomføre svangerskapskonsultasjonar i tråd med nasjonale retningsliner.
• Førebuande kurs og individuelle samtaler om amming, fødsel og barseltid.
• Utføre heimebesøk og etterkontrollar med fokus på både mor og barn si helse og trivsel.
• Fylgjeteneste og beredskap på Jordmorvakta i Seljord.
• Dokumentere i elektronisk pasientjournal og samarbeide tett med helsesjukepleiarar, fastlegar og andre relevante fagpersonar.

Vi tilbyr

• Du blir ein del av eit fagleg sterkt jordmorsamarbeid med faste fagmøte.
• Relevant opplæring ved oppstart og fagleg støtte undervegs.
• Løn i 100 % stilling: 850 000 kr.
• God forsikrings- og pensjonsordning.