Einingsleiar for barneverntenesta i Øygarden kommune

Hausten 2026 vert stillinga som einingsleiar for barnevernstenesta ledig. Vi ser etter deg som trivst med å kombinera strategisk leiing med operativt arbeid. Du blir motivert av å byggja gode relasjonar, leggja til rette for utvikling for medarbeidarane og skapa ein trygg og open organisasjonskultur.

Barnevernstenesta i Øygarden har dei siste to åra gjennomført eit omfattande og nødvendig forbetringsarbeid. Vi ønskjer ein leiar som vil byggja vidare på dette arbeidet, styrkja det som fungerer godt, og vere med å vidareutvikla tenesta.

Arbeidsoppgåver:

• Leia og vidareutvikla barnevernstenesta i tråd med lovverk, politiske vedtak og måla til kommunen.
• Ha overordna ansvar for fag, økonomi, HMS, personale og drift.
• Leia og utvikla leiargruppa.
• Sikra høg fagleg kvalitet, rettstryggleik og forsvarlege tenester.
• Bidra til eit godt arbeidsmiljø prega av tillit, psykologisk tryggleik og læring.
• Styrkja samarbeidet med interne og eksterne samarbeidspartnarar.
• Bidra aktivt i leiargruppa i Sektor Barn og familie.
• Sikra god økonomistyring og effektiv ressursbruk.
• Arbeida strategisk med utvikling av tenestene til beste for barn og familiar.