Aktivitetskoordinator

Vil du vere med og gjere ein forskjell for betre folkehelse i Hordaland og Sogn og Fjordane? Vi ser etter deg som er glad i frivilligheita, og som ønskjer å leggje til rette for og støtte helselaga og demensforeiningane våre.

Stillinga er eit vikariat i 70 prosent stilling frem til 01.08.2027. Aktivitetskoordinatoren rapporterer til dagleg leiar ved fylkeskontoret og har kontorstad på Kronstad i samlokalisering med Idrettens Hus. Du vil bli ein del av eit team på tre personar som saman skal bidra til auka frivilligheit og folkehelse i regionen vår.

Hovudarbeidsoppgåver:

• Administrere tilskotsordningar for laga våre
• Følgje opp utdelingar av Folkehelseprisen og Demensprisen
• Bidra i arbeidet med nasjonale kampanjar som Hopp for Hjerte og Demensaksjonen
• Bidra aktivt i arbeidet med Demensvennleg samfunn
• Svare på førespurnader og bidra til administrativ drift av kontoret
• Andre oppgåver etter avtale

Vi tilbyr:

Hos oss i Nasjonalforeningen for folkehelsen vil du få:

• Ein meiningsfull jobb i ein anerkjend organisasjon
• Engasjerte kollegaer med ulike fagbakgrunnar og høg kompetanse
• Eit inkluderande og støttande arbeidsmiljø
• Fleksitid, sommartid og ei ekstra ferieveke
• Lønn etter avtale og gunstige låne- og pensjonsordningar gjennom Statens pensjonskasse