Rådgjevar/seniorrådgjevar

Vil du spele ei nøkkelrolle i det grøne skiftet? Skyss skal tilby eit berekraftig mobilitetssystem for innbyggarar og samfunn i Vestland og bidra til at folk kan klare seg utan eigen bil. Vi har kome langt med elektrifisering av både buss, båt og ferje, og det er stadig nye moglegheiter og utfordringar som må løysast.

Arbeidsoppgåver

Som rådgjevar hos oss vil du inngå i ei faggruppe som arbeider med strategisk vidareutvikling av mobilitetstilbodet. Du skal ha hovudvekt på omlegging til låg- og nullutsleppsløysningar.

• Utgreie moglegheiter og konsekvensar av låg- og nullutsleppsløysningar for kollektivtransporten.
• Bidra i arbeid for å iverksette utsleppskutt frå kollektivtransporten gjennom anskaffingsprosessar.
• Praktisk tilrettelegging for miljøteknologi, gjennom å sikre areal til energiinfrastruktur og straumtilgang.
• Arbeid med oppfølging, evaluering og kontinuerleg forbetring av iverksette tiltak.
• Bidra til intern forbetring av metodikk og arbeidsprosessar.

Vi tilbyr

Vi tilbyr ei fagleg utfordrande og spennande stilling med stor samfunnspåverknad i eit engasjert arbeidsmiljø. Arbeidsstaden er i Vestlandshuset i Bergen sentrum.

• Fleksibel arbeidstidsordning og høve til delvis heimekontor.
• Gode offentlege pensjons- og forsikringsvilkår.
• Moglegheit til å bygge nettverk og utvikle seg fagleg.