Arealplanleggar

Om jobben

Stad kommune står framfor ei tid med stor aktivitet og spennande samfunnsutvikling. Realiseringa av Stad skipstunnel, verdas første fullskala skipstunnel, vil skape nye moglegheiter for næringsliv, busetjing og utvikling i heile kommunen. No søkjer vi ein engasjert og løysingsorientert arealplanleggjar i 100 % stilling som vil vere med og leggje premissane for ei berekraftig og heilskapleg utvikling av kommunen.

Arbeidsoppgåver

• Utarbeiding og revisjon av kommuneplanar, kommunedelplanar og reguleringsplanar.
• Sakshandsaming av private og offentlege planframlegg.
• Rettleiing av innbyggjarar, utbyggjarar, konsulentar og andre aktørar.
• Planfaglege vurderingar etter plan- og bygningslova.
• Deltaking i oppstarts- og arbeidsmøte.
• Førebuing og framlegging av saker for politisk behandling.
• Oppfølging av høyringar, medverknadsprosessar og offentleg ettersyn.
• Samarbeid med statlege og regionale styresmakter.
• Tverrfagleg samarbeid med byggesak, oppmåling, landbruk, næring, teknisk drift og andre kommunale fagområde.
• Bidrag i strategiske utviklingsprosjekt, mellom anna knytte til Stad skipstunnel.