Lege i spesialisering i immunologi og transfusjonsmedisin

Lege i spesialisering i immunologi og transfusjonsmedisin

Helse Bergen, Haukeland universitetssjukehus har ledig vikariat som Lege i spesialisering (LIS3) ved Avdeling for immunologi og transfusjonsmedisin i Laboratorieklinikken.

Avdeling for immunologi og transfusjonsmedisin held til i 3. etasje i Laboratoriebygget ved Haukeland universitetssjukehus, med ca 130 tilsette. Vi har for tida 10 lege-stillingar. Avdelinga driv analyseverksemd innan immunologi og immunhematologi, rekruttering og tapping av blodgjevarar, produksjon og utlevering av ulike blodprodukt, medisinsk rettleing, pasientretta og utprøvande stamcelleverksemd, utvikling av nasjonal blodberedskap, undervisning og forsking.

Stillinga inngår i ei vaktordning.

Arbeidsoppgåver

• Legen blir knytt til avdelinga sine seksjonar avhengig av aktuelt utdanningsbehov.
• Legen deltar i avdelinga si døgnvaktordning (heimevakt).
• Forholda blir lagd til rette for deltaking i undervising og kurs og anna etterutdanning.
• Deltaking i avdelinga si forskings- og utviklingsverksemd.