ID 2477 Vernepleiar ved avdeling Studalen - Eining for habilitering

Stord kommune søkjer etter vernepleiarar til avdeling Studalen, som er eit bufellesskap for personar med funksjonsnedsetting. Vi har ledig både ei fast 100 % stilling og eit 100 % vikariat med oppstart 1. oktober 2026.

Om stillingane

Som vernepleiar ved Studalen vil du ha det faglege ansvaret i avdelinga og bidra til å skapa ein trygg heim prega av meistring og utvikling. Arbeidet inneber turnus med dag- og kveldsvakter, samt langvakter kvar fjerde helg.

Dine hovudoppgåver

• Kartlegging av funksjonsnivå, samt utforming og evaluering av mål og tiltak.
• Ansvar for legemiddelhandtering og opplæring av tilsette.
• Rettleiing av personale i faglege og etiske spørsmål, inkludert arbeid knytt til helse- og omsorgstenestelova kapittel 9.
• Førebygging og oppfølging av tvangsvedtak.
• Dokumentasjonsarbeid og rettleiing av studentar og lærlingar.
• Samarbeid med eksterne instansar som habiliteringstenesta og ergo-/fysioterapitenesta.

Kvalifikasjonar

• Autorisert vernepleiar.
• Gode norskkunnskapar, både munnleg og skriftleg.
• Personlege eigenskapar vert vektlagde.
• Det vert kravd gyldig politiattest ved tilsetjing.

Vi tilbyr

• Varierte arbeidsoppgåver i eit tverrfagleg fagmiljø.
• Eit godt arbeidsmiljø med fokus på inkludering.
• Løns- og arbeidsvilkår i samsvar med kommunalt avtaleverk.
• Medlemskap i offentleg tenestepensjon.

For spørsmål om stillingane, ta kontakt med avdelingsleiar Ragnhild Dale på telefon 489 90 905 eller einingsleiar Esther Aasen Bjelland på telefon 975 52 097.