ID 2478 Avdelingsleiar nattevakttenestene - Rehabilitering, helse og omsorg

Stord kommune søkjer ein engasjert avdelingsleiar til ei nyoppretta stilling med ansvar for å samordna nattevakttenestene i kommunen. Som leiar for nattevakttenestene skal du bidra til å utvikla ei meir robust og effektiv teneste for heimebuande, Stord sjukeheim og Knutsaåsen omsorgssenter.

Arbeidsoppgåver

• Leia arbeidet med å samla nattevakttenestene til ei felles organisering.
• Utvikla og implementera nye rutinar og prosedyrar for å sikra høg tenestekvalitet.
• Ha personalansvar for nattevaktene i prosjektperioden.
• Koordinera samarbeid på tvers av einingar og rapportera framdrift til styringsgruppa.
• Sikra god kommunikasjon og informasjon i endringsprosessen.

Kvalifikasjonar

• Norsk autorisasjon som sjukepleiar.
• Relevant erfaring frå helse- og omsorgstenester.
• Førarkort klasse B.
• God digital kompetanse og gode norskkunnskapar, både skriftleg og munnleg.
• Det er ynskjeleg med leiarerfaring og kompetanse innan prosjektleiing og endringsprosessar.

Me tilbyr

• Ei utfordrande leiarstilling i eit tverrfagleg fagmiljø.
• Løns- og arbeidsvilkår i samsvar med kommunalt avtaleverk.
• Medlemskap i offentleg tenestepensjon.
• Gode velferdsordningar gjennom Stord ve og vel.

Stillinga er hovudsakleg på dagtid, men noko kveld- og nattarbeid må påreknast. Det vert kravd gyldig politiattest ved tilsetjing.