Bli vår nye overlege!

Medisinsk mikrobiologi ved Haugesund sjukehus styrkar no teamet og søkjer ein ny overlege i 100 % fast stilling. Som overlege vil du bli ein del av eit fagmiljø i utvikling som held til i moderne lokale med avansert teknologi og høg grad av automasjon.

Arbeidsoppgåver

• Utføre medisinskfaglege oppgåver innan medisinsk mikrobiologi.
• Arbeide med driftsoppgåver, med hovudvekt på bakteriologi og molekylærbiologi.
• Delta aktivt i planlegging og implementering av nye tenestetilbod, metodar og utstyr.

Kvalifikasjonar

• Norsk autorisasjon som lege og spesialistgodkjenning i medisinsk mikrobiologi innan tiltreding.
• Relevant sjukehuserfaring.
• Gode norskkunnskapar, både skriftleg og munnleg.

Personlege eigenskapar

Vi ser etter deg som bidreg positivt til det faglege og sosiale arbeidsmiljøet. Du må ha god fagleg vurderingsevne, arbeide strukturert og vere trygg i rolla di. Vidare legg vi vekt på gode samarbeidsevner og evne til å handtere periodar med høgt arbeidspress.

Vi tilbyr

Som tilsett ved Haugesund sjukehus får du vere med på å forme eit fagmiljø i vekst. Vi tilbyr tett samarbeid med klinikarar og andre spesialistar, samt gode pensjons- og forsikringsordningar gjennom Helse Fonna.

Legar under siste del av spesialisering vert også oppmoda til å vise interesse.