Assisterande fylkeslege

Statsforvaltaren i Møre og Romsdal søkjer ein engasjert assisterande fylkeslege til ei nyoppretta fast 100 % stilling i Molde. Som assisterande fylkeslege får du ei sentral rolle i arbeidet med å utvikle og sikre gode helse- og omsorgstenester for innbyggjarane i fylket.

Arbeidsoppgåver

Du vil inngå i eit tverrfagleg team og jobbe med varierte samfunnsaktuelle problemstillingar. Arbeidet inneber:

• Rådgjeving til kommunar, helseføretak og andre aktørar i helse- og omsorgstenesta.
• Helsefaglege vurderingar i klagesaker og tilsyn, inkludert oppfølging av alvorlege hendingar.
• Handsaming av førarkortsaker, smittevern, miljøretta helsevern og helseberedskap.
• Bidra til tenesteutvikling gjennom faglege innlegg og opplæring.

Kvalifikasjonar

• Norsk autorisasjon som lege.
• Solid klinisk erfaring.
• God kjennskap til det norske helsevesenet.
• Evne til å kommunisere klart og presist på norsk, både munnleg og skriftleg.

Vi tilbyr

Hos oss får du ein utfordrande jobb i eit utviklande fagmiljø med gode moglegheiter for vidareutvikling innan helserett. Vi er ein godkjend utdanningsinstitusjon for spesialisering i samfunnsmedisin. Stillinga har ordinær dagarbeidstid utan vaktteneste, og vi tilbyr konkurransedyktig løn, fleksibel arbeidstid, gode pensjonsordningar i Statens pensjonskasse og høve til trening i arbeidstida.