Områdedirektør

Statsforvaltaren i Møre og Romsdal søkjer ein strategisk og utviklingsorientert områdedirektør for berekraftig naturbruk. Som ein sentral del av embetet si strategiske leiargruppe, får du ansvaret for å leie og vidareutvikle verksemdsområdet i tråd med nasjonale mål og embetet sine strategiar.

Ansvars- og arbeidsoppgåver

I rolla som områdedirektør vil du ha det overordna ansvaret for resultat, utvikling og leiing av seksjonane for forureining, justis og beredskap, landbruk, naturvern, samt plan og klima. Dine hovudoppgåver inkluderer:

• Leie fem underdirektørar og om lag 60 medarbeidarar.
• Sikre god måloppnåing og effektiv ressursutnytting.
• Delta aktivt i strategisk leiargruppe for å bidra til heilskapleg utvikling av embetet.
• Følgje opp styringsdialog og oppdrag frå departement og direktorat.
• Representere Statsforvaltaren i møte med kommunar, samarbeidspartnarar og andre aktørar.
• Iitiere og leie utviklings- og endringsarbeid.

Kvalifikasjonar

• Relevant høgare utdanning på masternivå (bachelornivå med lang relevant praksis kan i særskilde tilfelle kompensere).
• Minst fem års relevant leiarerfaring med dokumenterte resultat.
• God kjennskap til offentleg forvaltning og erfaring med endringsleiing.
• Svært god munnleg og skriftleg framstillingsevne på nynorsk.
• Førerkort klasse B og evne til å bli tryggleiksklarert til HEMMELEG.

Vi tilbyr

Vi tilbyr ei leiande stilling i eit høgkompetent fagmiljø med gode moglegheiter for fagleg og personleg utvikling. Du får medlemskap i Statens pensjonskasse med gode pensjons-, forsikrings- og låneordningar. Løna er frå kr 1 200 000 til kr 1 400 000, avhengig av kvalifikasjonar.