Assisterande fylkeslege

Statsforvaltaren i Møre og Romsdal søkjer ein engasjert lege til ei nyoppretta fast 100 % stilling som assisterande fylkeslege i Molde. Som ein del av eit tverrfagleg team skal du bidra til å utvikle helse- og omsorgstenestene og styrke pasienttryggleiken i fylket.

Arbeidsoppgåver

Som assisterande fylkeslege får du ei sentral rolle med varierte og samfunnsaktuelle oppgåver:

• Gi råd og rettleiing til kommunar, helseføretak og andre aktørar.
• Gjennomføre helsefaglege vurderingar i klagesaker og ved tilsyn, inkludert oppfølging av alvorlege hendingar.
• Behandle saker innan førarkort, smittevern, miljøretta helsevern og helseberedskap.
• Bidra til fagleg utvikling og forbetring av tenestene gjennom opplæring og faglege innlegg.

Kvalifikasjonar

• Norsk autorisasjon som lege.
• Solid klinisk erfaring og god kjennskap til det norske helsevesenet.
• Interesse for pasienttryggleik, kvalitetsforbetring og samfunnsmedisin.
• Evne til å kommunisere klart og presist på norsk, både munnleg og skriftleg.

Vi tilbyr

Du får ein utfordrande jobb i eit utviklande fagmiljø med gode moglegheiter for spesialisering innan samfunnsmedisin. Stillinga har ordinær dagarbeidstid utan vaktteneste. Vi tilbyr løn som 0774 assisterande fylkeslege (kr 975 000 – 1 150 000 avhengig av kvalifikasjonar) og medlemskap i Statens pensjonskasse med svært gode pensjons- og forsikringsordningar.