Miljøterapeut - 100% vikariat Skogheim

Vestnes kommune søkjer etter ein engasjert miljøterapeut til eit 100 % vikariat ved bueininga Skogheim. Som miljøterapeut vil du jobbe tett på tenestemottakarar med ulik alder og funksjonsnivå, og bidra til å skape ein god kvardag gjennom målretta miljøarbeid.

Arbeidsoppgåver

• Yte nødvendig oppfølging i dagleglivet og bidra til fagleg utvikling ved eininga.
• Observere, registrere og kartlegge tenestemottakarar, samt ha ansvar for saksutgreiing og evaluering ved bruk av tvang.
• Utarbeide rutinar i tråd med gjeldande lovverk og miljøreglar.
• Ansvar for medikamenthandtering og opplæring av kollegaer i relevante faglege tema.
• Dokumentasjonsarbeid i tråd med krav og retningslinjer.

Kvalifikasjonar

• Du er utdanna vernepleiar eller har anna 3-årig helse- og sosialfagleg utdanning på høgskulenivå.
• God kunnskap om psykisk utviklingshemming og relevant lovverk, særskilt Helse- og omsorgstenestelova kapittel 9.
• Erfaring med målretta miljøarbeid, individuell tilrettlegging og handtering av utfordrande atferd.
• Gode kommunikasjonsevner på norsk, både munnleg og skriftleg (minimum nivå B2).
• Det er ønskeleg med rettleiingskompetanse, erfaring med autismeproblematikk og førarkort klasse B.

Vi tilbyr

Du får jobbe i eit sterkt fagmiljø med dyktige kollegaer og gode moglegheiter for fagleg utvikling. Vestnes kommune er ei IA-bedrift som tilbyr løn etter avtaleverk, samt gode pensjons- og forsikringsordningar.