ID 1073 Rådgjevar/fagansvarleg IKT og digitalisering

Fitjar kommune søkjer ein tydeleg og utviklingsorientert rådgjevar/fagansvarleg for IKT og digitalisering. Stillinga er plassert i sentraladministrasjonen og inneber ei nøkkelrolle i å sikre ei framtidsretta digital utvikling på tvers av kommunen sine fagområde.

Om rolla

Som rådgjevar vil du ha ei sentral rolle i å følgje opp kommunen sitt samarbeid med IKT Nordhordland (IKTN) og sikre at Fitjar kommune sine interesser vert ivaretatt. Du vil kombinere strategisk utviklingsarbeid med operativ drift og samhandling med både IKTN og kommunen sine einingar.

Arbeidsoppgåver

• Oppfølging av samarbeid med IKTN og DI.
• Sikre stabil drift av system, nettverk og infrastruktur, inkludert digital tilgangskontroll.
• Overordna ansvar for informasjonssikkerheit, personvern og internkontroll.
• Planlegging og gjennomføring av digitaliserings- og utviklingsprosjekt.
• Rådgjeving til leiarar om teknologi, systembruk og gevinstrealisering.
• Oppfølging av avtalar, leverandørar og innkjøp.

Vi tilbyr

• Ei sentral rolle med stor påverknad på kommunen si digitale utvikling.
• Varierte oppgåver frå strategisk planlegging til praktisk problemløysing.
• Gode moglegheiter for fagleg utvikling og kompetanseheving.
• Gode pensjons- og forsikringsordningar.
• Ein arbeidsplass med korte beslutningsvegar og høg grad av tillit.