Avdelingsleiar for avdeling Informasjonsteknologi og -tenester

Om stillinga

Høgskulen på Vestlandet søker ein engasjert avdelingsleiar for avdeling Informasjonsteknologi og -tenester. Stillinga er på nivå 3 i organisasjonsstrukturen og er næraste overordna til fire einingsleiarar. Avdelinga har i dag over 50 fast tilsette og 14 lærlingar, og er i vekst. Avdelingsleiar har eit heilskapleg ansvar for tenesteområda, utviklinga av avdelinga og medarbeidar- og tenesteutvikling, budsjett, arbeidsmiljø og HMS.

Avdelingsleiar skal også ivareta ekstern kontakt med nasjonale tenesteleverandørar og samarbeidspartnarar regionalt, nasjonalt og internasjonalt. Stillinga har ei sentral rolle i HVL sin ambisjon om klok digitalisering og kunstig intelligens.

Arbeidsoppgåver

• Å utnytte kapasiteten i avdelinga i einingane for heilskapleg tenesteutvikling.
• Balansert tilsetterekruttering og bemanningsplanlegging i avdelinga.
• Kompetanseutvikling for medarbeidarane i avdelinga.
• Arbeidsmiljø og HMS i avdelinga.
• Tilrettelegging for medverknad og medarbeidarinvolvering.
• Budsjettdisponering og økonomistyring i avdelinga.

Kvalifikasjonar

• Høgare utdanning minimum på masternivå med relevans for stillinga.
• Leiarerfaring med dokumenterte resultat frå å leie områda som ligg til stillinga.
• Innsikt i korleis digitale system og kunstig intelligens påverkar forsking, utdanning og innovasjon.
• Erfaring med å leie endrings- og omstillingsarbeid.
• God munnleg og skriftleg framstillingsevne på norsk og engelsk.
• Kunne sikkerheitsklarerast på høgt nivå.

Personlege eigenskapar

• Gode grunnleggande leiareigenskapar.
• Motiverande og inkluderande leiarframferd, med vekt på samarbeid og medverknad.
• Godt utvikla evner til strategisk tenking og heilskapleg perspektiv.
• Kommunikasjon og samhandling.
• Å bygge tillit og skape gode relasjonar, internt og eksternt.
• Gjennomføringskraft.
• Løysingsorientert.
• Utviklingsorientert.
• Resultatorientert.

Vi tilbyr

• Gode pensjons-, forsikrings- og låneordningar i Statens pensjonskasse.
• Spennande fagmiljø med moglegheit for kompetanseheving og utvikling.
• Høve for trening i arbeidstida.
• Løn etter Statens lønsregulativ, i stillingskode 1060 - Avdelingsdirektør.

Søknad

Send søknad og CV ved å klikke på knappen merka "Søk stilling" på denne sida. Det er søkjar sitt ansvar å sørgje for at alle relevante vedlegg er lagt inn innan fristen, som attest og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar.

Dersom vedlegga overskrid 50 MB må dei komprimerast før opplasting eller leggjast ved som lenkje. Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master- eller ph.d.-grad.

Kontakt

Kontaktperson ved Høgskulen på Vestlandet er Organisasjonsdirektør Tage Båtsvik, 53 49 14 05, tage.batsvik@hvl.no.