Vernepleiar og sjukepleiar - faste stillingar frå sommaren 2027 ved Regional- og Lokal sikkerheit

Om stillinga

Klinikk for Sikkerheitspsykiatri er ein del av Helse Bergen HF og består av seks seksjonar. Stillinga som vernepleiar eller sjukepleiar er faste stillingar frå sommaren 2027. Vi arbeider med pasientar som har alvorlege psykiske lidingar og samtidig behov for eit høgt tryggleiksnivå. Vårt samfunnsoppdrag er å kombinere behandling, omsorg og tryggleik på ein måte som fremjar meistring, utvikling og håp.

Som sjukepleiar eller vernepleiar blir du ein viktig del av det tverrfaglege behandlingsteamet, der relasjonsbygging, miljøterapi, motivering og aktivisering står sentralt. Kvar pasient har eit tverrfagleg team som arbeidar saman, og målet er å gi alle pasientane anledning til auka meistring i ulike fasar av sin sjukdom.

Arbeidsoppgåver

• Sjukepleie/miljøterapi til psykiatriske pasientar som treng behandling og rehabilitering
• Deltar i den tverrfaglege miljøbehandlinga
• Koordinere den daglege miljøterapeutiske behandlinga i posten
• Delta i primærgruppearbeidet rundt kvar enkelt pasient
• Vurdere og lage handteringsplanar ifht valdsrisiko
• Utforme kortsiktige- og langsiktige behandlingsplanar
• Relasjonsbygging og motivasjonarbeid for å skape endring

Kvalifikasjonar

• Norsk autorisasjon som sjukepleiar eller vernepleiar
• Ønskeleg med erfaring frå psykiatri
• Gode språkkunnskapar er heilt avgjerande for forsvarleg pasientbehandling
• Godkjend politiattest

Personlege eigenskapar

• Du er initiativrik, interessert og har respekt for kvar enkelt pasient
• Du er tilpassingsdyktig og taklar stressande situasjonar med ro og fagleg haldning
• Du trivst i eit aktivt og tidvis travelt miljø
• Du er ein god teamarbeidar og likar å jobbe tverrfagleg
• Du bidrar til eit godt arbeidsmiljø

Vi tilbyr

• Grundig opplæring
• Kurs i MAP, møte med aggresjonsproblematikk
• Kurs i risikovurderingsinstrumentet HCR-20
• Kompetanseutvikling i form av fagdagar og kurs
• Dette er ei stilling som gir både fagleg og personleg utvikling
• Eit godt og inkluderande arbeidsmiljø med kompetente medarbeidarar
• 15 000 kroner pr år i særtillegg
• Treningsrom for tilsette
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.