Kommunikasjonsrådgivar

Om stillinga

Som kommunikasjonsrådgivar i kommunikasjonsseksjonen ved Statsministerens kontor blir du del av eit lag med ni erfarne kollegaer. Du vil arbeide med å gi råd og legge til rette for statsministerens og kontorets mediekontakt, skrive talar, planlegge reiser og ulike aktivitetar. Seksjonen støttar politisk leiing med å koordinere og planlegge kommunikasjonsarbeidet i regjeringa. Krisekommunikasjon er ein viktig oppgåve.

Vi arbeider for å nå ut til publikum med relevant og viktig informasjon via regjeringa.no og sosiale medium. Kommunikasjonsseksjonen samarbeider tett med politikarane, departementa og andre aktørar i dette arbeidet.

Arbeidsoppgåver

Stillinga omfattar å gi kommunikasjonsfagleg støtte på fleire saksområde, arbeide med utanriks- og sikkerheitspolitikk, planlegge internasjonale reiser og besøk, og formidle bodskap på ulike kommunikasjonsplattformer. Du må også ha erfaring med foto, film og arbeid i digitale kanalar.

Kvalifikasjonar

• Du må ha relevant høgare utdanning, med fullført grad på minimum bachelorgradnivå. Lang og relevant erfaring kan i særlege høve kompensere for kravet til utdanning.
• Du må kunne formulere deg godt, både munnleg og skriftleg, på bokmål og nynorsk.
• Du må kunne bruke engelsk som arbeidsspråk, både munnleg og skriftleg.
• Du må ha ein god penn og kunne skrive talar, kronikkar og andre tekster.
• Du må ha interesse og god forståing for politikk og samfunnsliv.
• Du må ha erfaring frå relevant kommunikasjonsarbeid eller journalistisk arbeid. Internasjonal erfaring vil bli vektlagd.
• Du må kunne formidle ein bodskap på ulike kommunikasjonsplattformer.
• Du må ha erfaring med foto, film og arbeid i digitale kanalar.
• Du må ha god kunnskap om offentleg sektor.
• Du må ha evne til raskt å sette deg inn i nye problemstillingar.

Personlege eigenskapar

Vi søker ein person som er imøtekomande, løysingsorientert og som samarbeider godt. Du er pedagogisk, lærevillig og god til å tilpasse deg. Du har god rolleforståing, analytiske evner, god vurderingsevne og forstår politiske prosessar. Du tar initiativ, jobbar sjølvstendig og er strukturert. Du har stor arbeidskapasitet, set deg raskt inn i ulike saker og trivst med eit høgt arbeidstempo. Du er fleksibel, og ikkje redd for å ta på deg nye oppgåver. Du har digital forståing og ønskjer å bruke nye verktøy for å effektivisere arbeidsprosessane og betre leveransane.

Vi tilbyr

Lønn blir fastsett individuelt og vil liggje i spennet frå 750 000 til 1 100 000 kroner. For spesielt kvalifiserte kandidatar kan høgare lønn vere aktuelt. Stillinga er del av ei vaktordning med eit vakttillegg. Du må rekne med reiseverksemd, og morgon-, kvelds- og helgearbeid. Den som blir tilsett må kunne sikkerheitsklarerast for STRENGT HEMMELEG.

Nærare opplysningar om stillinga kan du få ved å kontakte kommunikasjonssjef Anne Kristin Hjukse, tlf. 99 21 46 10, eller avdelingsdirektør Åsta Skre, tlf. 22 24 40 22.