Kommunikasjonsrådgivar

Kommunikasjonsrådgivar

Statsministerens kontor søker ein kommunikasjonsrådgivar som kan gje solid kommunikasjonsfagleg støtte og som trivst på reisefot og med høgt tempo. Stillinga er fast og ligg i kommunikasjonsseksjonen.

Om stillinga

Det er mykje arbeid knytt til utanriks- og sikkerheitspolitikk, og planlegging av internasjonale reiser og besøk. Stillinga skal auke seksjonens samla kapasitet til å arbeide med desse områda, men den som blir tilsett skal også gje kommunikasjonsfagleg støtte på fleire saksområde.

Kvalifikasjonar

Stillinga har stillingskode 1364 seniorrådgivar eller 1220 spesialrådgivar avhengig av utdanning og erfaring. For stilling som spesialrådgivar krevst høgare utdanning, med fullført grad på mastergradsnivå.

Lønn blir fastsett individuelt og vil liggje i spennet frå 750 000 til 1 100 000 kroner. For spesielt kvalifiserte kandidatar kan høgare lønn vere aktuelt. Stillinga er del av ei vaktordning med eit vakttillegg. Du må rekne med reiseverksemd, og morgon-, kvelds- og helgearbeid.

Den som blir tilsett må kunne sikkerheitsklarerast for STRENGT HEMMELEG.

Personlege eigenskapar

Vi søker ein samfunnsinteressert person som trivst i ein dynamisk arbeidsmiljø og kan jobbe med mange ulike saksområde.

Søknad

Nærare opplysningar om stillinga kan du få ved å kontakte kommunikasjonssjef Anne Kristin Hjukse, tlf. 99 21 46 10, eller avdelingsdirektør Åsta Skre, tlf. 22 24 40 22.

Me oppfordrar alle som søkjer til å laste opp vitnemål frå Vitnemålsportalen og leggje ved søknaden, saman med kopi av relevante attestar.