Sjukepleiar ved Institutt for klinisk odontologi, Seksjon for oral kirurgi og oral medisin

Om stillinga

Universitetet i Bergen søker ein sjukepleiar til Institutt for klinisk odontologi, Seksjon for oral kirurgi og oral medisin. Stillinga er ei fast stilling på 100 %, og tilsetjinga skal skje så snart som mogleg.

Seksjonen utdannar tannlegar og spesialistar i oral kirurgi. Vi har eit dynamisk og aktivt arbeidsmiljø, og i tillegg til undervisning driv vi også med forsking, mellom anna på bruk av stamceller for å bygge kjevebein. Arbeidsmiljøet er godt.

Arbeidsoppgåver

• Ta del i operasjonsverksemd og poliklinisk verksemd i studentklinikken og spesialistklinikken
• Omsorg for pasientar
• Rettleiing og undervisning av tannlegestudentar, tannpleiarar og spesialistkandidatar
• Ved behov delta i drifta av seksjonens sterilsentral
• Det kan verte aktuelt å leggje andre oppgåver til stillinga

Kvalifikasjonar

• Søkjar må ha utdanning og autorisasjon som sjukepleiar
• Relevant vidareutdanning er ønskjeleg, gjerne operasjonssjukepleiar
• Erfaring frå undervisning/rettleiing er ønskjeleg
• For søkjarar utan spesialutdanning vert det kravd relevant erfaring
• Erfaring med verksemd innan oral kirurgi/kjevekirurgi er ein føremon

Personlege eigenskapar

• Søkjar må beherske norsk munnleg og skriftleg og kunne kommunisere godt
• Vi søkjer ein person som er fleksibel og serviceinnstilt
• Har gode kommunikasjons- og samarbeidsevner
• Kan planlegge og utføre eigne arbeidsoppgåver sjølvstendig, effektivt og nøyaktig, samt kunne jobbe godt i team
• Har digital kompetanse og evne til å tileigne seg nye ferdigheiter
• Liker å delta i undervisning
• Er positiv, engasjert, uredd og fleksibel og som raskt kan setje seg inn i nye oppgåver

Vi tilbyr

• Spanande og utviklande arbeidsoppgåver i eit sterkt fagmiljø
• Løn er for tida kr 655 000 – 685 000 (kode 807). Løn er brutto per. år for ei fulltidsstilling i lønsregulativet til staten ved tilsetjing. For særleg kvalifisert søkjar kan det verte aktuelt å vurdere høgare løn.
• Medlemskap i Statens pensjonskasse
• Gode velferdsordningar

Søknad

Søkjarar må sende søknad, CV og vitnemål til Cecilie Gjerde, førsteamanuensis, e-post: cecilie.gjerde@uib.no. Søknadsfrist er tirsdag 1. desember.

Kontakt

Cecilie Gjerde, førsteamanuensis, e-post: cecilie.gjerde@uib.no