Seksjonsleiar lege, Radiologisk avdeling

Om stillinga

Radiologisk avdeling, Helse Bergen HF søker ein seksjonsleiar lege med sterk fagleg forankring og gjerne med leiarerfaring for å vidareutvikle vårt høgt spesialiserte fagmiljø. Avdelinga er ei av dei største i landet og utfører eit breitt spekter av diagnostiske undersøkingar og intervensjons- og behandlingsprosedyrar. Avdelinga har ei sentral rolle i sjukehuset si tverrfaglege pasientbehandling og samarbeider med Universitetet i Bergen og Høgskulen på Vestlandet om forsking og utdanning av legar og radiografar.

Arbeidsoppgåver

• Ansvar for å sikre ei trygg og ansvarleg radiologisk verksemd i tråd med sjukehusets og avdelingas til ein kvar tid gjeldande behov og ramme
• Sikre fagleg leiing og utvikling av avdelinga innanfor gjeldande økonomisk ramme i tråd med sjukehuset sin strategi
• Personalansvar for overlegar og fagleg rettleiing for LIS-legar ved seksjonen i samarbeid med assisterande seksjonsleiar lege
• Sikre forsvarleg medisinsk drift og optimal og effektiv pasientflyt
• Bidra til utvikling av nye diagnostiske metodar og vidareutvikling av KI-verktøy og digitale løysingar
• Tverrfagleg samarbeid med kliniske avdelingar for å optimalisere diagnostiske tenester
• Delta i forskings- og innovasjonsarbeid innan radiologi
• Overordna ansvar for utdanning og kompetanseutvikling i avdelinga
• Representere avdelinga i relevante faglege og administrative forum

Kvalifikasjonar

• Spesialist i radiologi med norsk autorisasjon
• Erfaring med organisering av radiologiske tenester
• Gode evner til strategisk tenking, samarbeid og kommunikasjon
• Ønskeleg: Erfaring eller kjennskap til leiing eller sterk interesse for leiarutvikling
• Ønskeleg: Forskingsarbeid med gjennomført Ph.D.
• Ønskeleg: Kvalitetsforbetring og innovasjon
• Ønskeleg: Ressursstyring, arbeidstidsplanlegging, økonomistyring og bruk av kunstig intelligens i radiologi

Personlege eigenskapar

• Evne til å motivere og utvikle medarbeidarar
• Gode evner til strategisk tenking, kommunikasjon, samarbeid og økonomistyring
• Høg gjennomføringsevne og strukturert arbeidsstil
• Sterke samarbeidsevner og evne til å bygge relasjonar
• Evne til å handtere endringsprosessar med tryggleik og profesjonalitet

Vi tilbyr

• Ei sentral leiarrolle i ei av dei mest avanserte radiologiske avdelingane i landet
• Moglegheit til å påverke fagfeltet gjennom leiing, utvikling av drifta, innovasjon og forsking
• Eit sterkt leiarteam og god administrativ støtte
• Konkurransedyktige pensjons- og forsikringsordningar
• Eit inkluderande arbeidsmiljø prega av samarbeid og fagleg utvikling

Søknad

Søk senest tirsdag 24. november. Kontakt Ingfrid Helene Salvesen Haldorsen, Avdelingsdirektør, 55 97 23 27, ingfrid.helene.salvesen.haldorsen@helse-bergen.no.