Instituttleiar ved Institutt for helse og funksjon

Om stillinga

Ved Høgskulen på Vestlandet (HVL) er det ledig åremålsstilling som instituttleiar ved Institutt for helse og funksjon. Fakultet for helse og sosialvitskap søker instituttleiar for Institutt for helse og funksjon i fireårig åremålsstilling, med oppstart 01.03.2027.

Instituttleiar har det overordna ansvaret for instituttet og rapporterer til dekan. Leiargruppa er sett saman av seks assisterande instituttleiarar som rapporterer til instituttleiar. Vi søker ein framtidsretta leiar, som er motivert for å bidra til å realisere strategien, måla og verdiane til høgskulen og fakultetet.

Arbeidsoppgåver

• Som instituttleiar har du det strategiske og faglege ansvaret for instituttet sine studieprogram på både bachelor og masternivå.
• Du har også ansvar for instituttets forskingsaktivitet og for å støtte opp under fakultetets forskingsambisjonar.
• Instituttleiar skal delta i og vidareutvikle høgskulen sitt samarbeid med samfunns- og arbeidsliv på heile Vestlandet og knyte sterke band mellom utdanning, forsking og nyskaping.
• Du har personalansvar for dei tilsette ved instituttet og skal sikre at både studentar og tilsette har eit trygt, inkluderande og stimulerande fag- og arbeidsmiljø.
• Du har også ansvar for at instituttet sine ressursar blir utnytta effektivt og i samsvar med tildelt budsjett.
• Du må rekne med ein del reiseverksemd mellom campusane. Arbeidsstad er ved campus Bergen.

Kvalifikasjonar

• Relevant høgare utdanning og høg vitskapleg kompetanse, helst på førstekompetansenivå.
• Dokumentert kompetanse og erfaring innanfor instituttet sitt fag- og forskingsområde.
• Ledererfaring, dokumenterte resultat frå fagleg leiarstilling og resultat frå strategi og endringsarbeid blir vektlagt.

Personlege eigenskapar

• Gode leiareigenskapar.
• Ein motiverande og inkluderande leiarstil med vekt på samarbeid og medverknad.
• Evne til strategisk heilskapleg perspektiv.
• Gode evner til kommunikasjon, samhandling, bygge tillit og relasjonar.
• Gjennomføringsevne, utvikling- og resultatorientert.
• Stort engasjement for å nå høgskulen og fakultetet sine ambisjonar.
• Må kunne handtere komplekse utfordringar.

Vi tilbyr

• Gode pensjons-, forsikrings-, og låneordningar i Statens pensjonskasse.
• Spennande fagmiljø med moglegheit for kompetanseheving og utvikling.
• Høve for trening i arbeidstida.
• Stillinga som instituttleiar er lønna etter Statens lønsregulativ, i stillingskode 1475 - instituttleiar.
• Frå løna blir det trekt 2 % innskot til Statens pensjonskasse.

Søknad

Send søknad og CV ved å klikke på knappen merka "Søk stillinga" på denne sida. Det er søkjar sitt ansvar å sørgje for at alle relevante vedlegg er lagt inn innan fristen, som attest og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar.