Driftsoperatør vatn og avlaup

Osterøy kommune søkjer etter ein engasjert driftsoperatør til ei fast 100 % stilling ved avdeling for vatn og avlaup (VA). Som ein del av eit team på fem personar, vil du bidra til å sikre trygt drikkevatn og forsvarleg avlaupshandtering for innbyggjarane i kommunen.

Arbeidsoppgåver

• Drifte og styre prosessar ved vassbehandlingsanlegg, reinseanlegg og pumpestasjonar.
• Utføre vedlikehald, reparasjonar og ettersyn av teknisk utstyr og leidningsnett.
• Overvaking av drift, akkreditert prøvetaking og rapportering.
• Oppfølging av internkontroll i FDV-system.
• Delta i obligatorisk vakt- og bakvaktordning.

Kvalifikasjonar

• Fagbrev som rørleggar er eit krav.
• Førarkort klasse B er påkravd.
• Gode datakunnskapar og gode norskkunnskapar, både skriftleg og munnleg.
• Erfaring frå drift av kommunale VA-anlegg er ein fordel.
• Driftsoperatørkurs VA er ønskeleg.

Vi tilbyr

Du får ein meiningsfull kvardag i eit positivt arbeidsmiljø med erfarne kollegaer. Kommunen tilbyr gode pensjons- og forsikringsordningar gjennom KLP, løn etter tariff, samt moglegheit for fagleg oppdatering og kurs. Arbeidsstaden er i nye og moderne lokalar med tilgang til treningsrom.

For spørsmål om stillinga, kontakt leiar for teknisk drift, Kenneth Taule Murberg, på telefon 900 40 498.