IT-tekniker

Eide Fjordbruk søkjer ein praktisk og løysingsorientert IT-teknikar til eit 100 % fast engasjement. Som ein del av IT/OT-funksjonen får du ansvar for å sikre stabil drift av infrastruktur, nettverk og brukarsystem på tvers av våre lokasjonar, frå kontor til oppdrettsanlegg og fartøy.

Om stillinga

Du blir eit viktig kontaktpunkt mellom våre ulike lokasjonar og IT-avdelinga. Kvardagen er variert og inneber både brukarstøtte, montering av utstyr i felt og vedlikehald av kritiske system. Rollen gir deg stor fridom til å jobbe sjølvstendig, og over tid vil du få moglegheit til å ta meir ansvar for infrastruktur, serverar og skyløysingar.

Arbeidsoppgåver

• Brukarstøtte og drift av PC, mobil og anna utstyr på kontor, anlegg og fartøy.
• Administrasjon av klientar via Intune, inkludert utrulling av programvare og oppdateringar.
• Montering og oppsett av nettverksutstyr, kamera og AV-utstyr ute i felt.
• Drift, vedlikehald og overvaking av nettverk og serverar i samarbeid med IT-ansvarleg.
• Koordinering av feilretting med eksterne leverandørar.
• Dokumentasjon av utstyr, oppsett og rutinar.

Kvalifikasjonar

• Fagbrev, fagskule eller bachelor innan IT (relevant erfaring kan kompensere for formell utdanning).
• Erfaring frå brukarstøtte og klientdrift.
• Grunnleggjande forståing for nettverk og serverar.
• Gode norskkunnskapar og engelskkunnskapar, både munnleg og skriftleg.
• Førarkort klasse BE.
• Erfaring med Microsoft 365, Intune, Entra ID/AD, Windows Server, VMware, Cisco Meraki eller Azure er ein fordel.

Vi tilbyr

Hos Eide Fjordbruk blir du ein del av eit inkluderande arbeidsmiljø i ei framtidsretta næring. Vi tilbyr varierte arbeidsoppgåver, konkurransedyktige vilkår og gode moglegheiter for fagleg utvikling gjennom kurs og sertifiseringar.

Arbeidsstaden er Eidestøa i Bjørnafjorden eller Bergen, og du må rekne med jamleg reising til våre lokasjonar på Vestlandet. Stillinga inneber periodevis beredskap.