Dagleg leiar/Verdsarvkoordinator

Nærøyfjorden Verdsarvpark søkjer ein engasjert og utviklingsorientert dagleg leiar og verdsarvkoordinator til ei sentral rolle i Aurland. Som leiar for stiftinga får du det overordna ansvaret for drift, strategisk utvikling og nettverksbygging i eit av verdas mest spektakulære verdsarvområde.

Arbeidsoppgåver

• Dagleg leiing av verdsarvparken og personalansvar for tilsette og prosjektmedarbeidarar.
• Oppfølging av parkplan og strategiar, samt budsjettansvar og økonomistyring.
• Byggje og vidareutvikle sterke partnarskap med kommunar, næringsliv, grunneigarar og offentleg forvaltning.
• Søkje finansiering, forvalte tilskotsmidlar og synleggjere verdsarvparken gjennom aktiv formidling.
• Arbeide for berekraftig verdiskaping basert på natur- og kulturarv.

Kvalifikasjonar

• Relevant høgare utdanning.
• Erfaring med samarbeid, nettverksbygging og leiaransvar.
• God forståing for samspelet mellom vern, næringsutvikling og lokalsamfunn.
• God økonomiforståing og evne til å arbeide strukturert og sjølvstendig.
• Gode munnlege og skriftlege framstillingsevner.

Det er ein fordel med kjennskap til offentleg forvaltning, søknadsarbeid og regionen. Som person er du ein tydeleg og motiverande leiar som ser moglegheiter i skjæringspunktet mellom vern og utvikling.

Vi tilbyr ei meiningsfull leiarstilling med moglegheit til å påverke utviklinga av lokalsamfunn og næringsliv i eit internasjonalt verdsarvområde. Løn og tilsetjingsvilkår vert avtalt ved tilsetjing.

For spørsmål, kontakt Audun Mo på telefon 99205006 eller e-post Audun.mo@laerdal.kommune.no. Søknad sendast til same e-postadresse.