Kunderådgjevar

Toyota Norheimsund søkjer ein engasjert kunderådgjevar som vil vere bindeleddet mellom kundane våre og verkstaden. I denne rolla følgjer du kunden gjennom heile verkstadbesøket, frå innlevering til utlevering, og sikrar god kommunikasjon og ei trygg oppleving.

Arbeidsoppgåver

• Ta imot kundar ved innlevering og utlevering av bil.
• Rettleie kundar og identifisere behov for verkstadtenester.
• Ha ansvar for delelageret, inkludert bestillingar og fakturagodkjenning.
• Bidra med logistikk knytt til dekkhotellet.
• Handtere ordrar, fakturering og sikre god flyt mellom kunde og verkstad.

Kven er du?

Me ser etter deg som set kunden først og som trivst med ein variert kvardag. Du er strukturert, løysingsorientert og har god arbeidskapasitet. Sjølv om erfaring frå bilbransjen er ein fordel, er det viktigaste at du har interesse for bil, god teknisk forståing og evne til å kommunisere godt med ulike menneske.

Kvifor jobbe hos oss?

Hos Toyota Norheimsund blir du ein del av eit fagmiljø i hjartet av Hardanger med fokus på kvalitet og gode kundeopplevingar. Me tilbyr:

• Gode moglegheiter for fagleg og personleg utvikling gjennom Toyota sine opplæringsprogram.
• Konkurransedyktige vilkår samt gode pensjons- og forsikringsordningar.
• Eit godt arbeidsmiljø med dyktige kollegaer.
• Tilgang til bedriftshelseteneste og personalhytte.