Vil du gjere godt grovfôr endå meir verdifullt for bonden?

Norsk Landbruksrådgiving SA søkjer ein engasjert grovfôrrådgivar til kontoret på Voss. I denne rolla blir du ein sentral sparringspartnar for bønder som ønskjer å utvikle produksjonen sin og oppnå betre agronomiske og økonomiske resultat.

Arbeidsoppgåver

Som grovfôrrådgivar får du ein variert kvardag der du kombinerer fagkunnskap med relasjonsbygging ute hos bonden. Arbeidsoppgåvene inkluderer:

• Rådgiving innan grovfôrproduksjon og agronomi.
• Jordprøvetaking og utarbeiding av gjødslingsplanar.
• Klimarådgiving og oppfølging av klimahandlingsplanar.
• Planlegging og gjennomføring av kurs, markdagar og fagmøte.
• Formidling av fagkunnskap gjennom artiklar og andre arenaer.
• Deltaking i feltarbeid, feltforsøk og prosjektarbeid.

Kvalifikasjonar

Vi søkjer deg som er nysgjerrig, løysingsorientert og ønskjer å skape reell verdi for bonden. Du bør ha:

• Relevant landbruksfagleg utdanning frå høgskule eller universitet, og/eller praktisk erfaring innan grovfôrproduksjon.
• Evne til å arbeide sjølvstendig og strukturert.
• Gode kommunikasjonsevner og forståing for bonden si verksemd.
• Førarkort klasse B.

Vi tilbyr

Hos Norsk Landbruksrådgiving blir du ein del av landbruket sitt leiande kompetansemiljø med tilgang til spesialistar over heile landet. Vi tilbyr:

• Fast stilling i inntil 100 %.
• Eit sterkt fagmiljø med gode moglegheiter for fagleg og personleg utvikling.
• Stor grad av fridom, tillit og fleksibilitet i kvardagen.
• Gode pensjons- og forsikringsordningar.