Vil du drive utvikling av luftsportsmiljøet på Voss?

Voss Hang- og Paragliderklubb søkjer ein engasjert dagleg leiar i 100 % fast stilling til å vidareutvikle Noregs største luftsportmiljø. Som dagleg leiar får du ei variert og sjølvstendig rolle der du skal leggje til rette for aktivitet, fellesskap og trygge rammer for både nye og erfarne pilotar på Voss.

Arbeidsoppgåver

• Leie og vidareutvikle den daglege drifta av klubben.
• Vere ein pådrivar for eit inkluderande og engasjerande medlemsmiljø.
• Planleggje og koordinere kurs, arrangement og andre aktivitetar.
• Ha ansvar for administrasjon, økonomioppfølging og rapportering.
• Utvikle samarbeid med lokale aktørar, organisasjonar og offentlege instansar.
• Støtte og samarbeide tett med instruktørar, frivillige og styret.

Kvalifikasjonar

• Gode evner til å samarbeide og byggje relasjonar.
• Strukturert med god gjennomføringsevne og økonomisk forståing.
• Erfaring frå organisasjonsarbeid, leiing, administrasjon eller prosjektarbeid.
• Erfaring frå luftsport eller idrett er ein fordel, men ikkje eit krav.
• Gode kommunikasjonsevner på norsk og engelsk.

Vi tilbyr

Du blir ein del av eit sosialt og aktivt miljø med menneske som deler gleda over flyging og naturopplevingar. Vi tilbyr ei meiningsfull rolle med stor grad av sjølvstende, fleksibilitet og moglegheit til å forme framtida for luftsporten på Voss.