Pleiemedarbeidar - deltidstillingar på helg

Om stillinga

Austevoll kommune søker tilsett i to helgestillingar som pleiemedarbeidar ved spesialavdelingane på Austevoll pleie- og omsorgssenter. Stillingane er på 13,31% og 18,79% og inngår i turnus med arbeid om lag kvar tredje helg.

Dette er ei spennande moglegheit for deg som søker verdifull arbeidserfaring innan helse og omsorg. Du vil bli ein del av eit varmt og inkluderande arbeidsmiljø med engasjerte medarbeidarar. Vi har fokus på samarbeid, læring og trivsel, og ønskjer at alle skal oppleve meistring og arbeidsglede i kvardagen.

Ansvar og arbeidsoppgåver

• Bidra til å skape ein trygg og triveleg kvardag for bebuarane
• Hjelpe til med pleie- og omsorgsoppgåver etter opplæring
• Assistere bebuarar i daglege aktivitetar og måltid
• Delta i miljøskapande aktivitetar og sosialt samvær
• Bidra til orden og trivsel i avdelinga
• Samarbeide med kollegaer og andre faggrupper
• Utføre arbeidsoppgåver i tråd med gjeldande rutinar

Kvalifikasjonar

• Du er fylt 18 år
• Du kan kommunisere godt på norsk, både munnleg og skriftleg
• Interesse for arbeid innan helse og omsorg
• Erfaring frå liknande arbeid er ein fordel, men ikkje eit krav

Personlege eigenskapar

• Du er omsorgsfull og viser respekt for andre menneske
• Du er positiv og engasjert
• Du er ansvarsbevisst og påliteleg
• Du trivst med å samarbeide med andre
• Du bidreg til eit godt arbeidsmiljø
• Du er fleksibel og lærevillig

Vi tilbyr

• Ei meiningsfull og lærerik helgestilling
• Verdifull arbeidserfaring innan helse og omsorg
• God opplæring og tett rettleiing frå erfarne kollegaer
• Eit inkluderande og godt arbeidsmiljø
• Moglegheit for ekstravakter ved behov
• Løn etter gjeldande tariffavtale

Slik søker du på stillinga: Send søknad og CV ved å klikke på knappen merka "Søk stilling" på denne sida. Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar. Ikkje send søknad på e-post til enkeltpersonar i kommunen.