Dagleg leiar -- vikariat i Sykkylven IL

Om stillinga

Sykkylven IL søkjer ein engasjert og strukturert dagleg leiar i vikariat fram til april 2028. Stillinga kan tiltredast omgåande.

Som dagleg leiar blir du eit viktig knutepunkt mellom hovudlaget, gruppene våre, medlemmer, frivillige, sponsorar, kommunen og andre samarbeidspartnarar. Arbeidsdagen er variert, og du får stor moglegheit til å påverke og utvikle måten vi arbeider på.

Arbeidsoppgåver

• Oppfølging av økonomi og rekneskap saman med eksternt rekneskapskontor, samt fakturering og budsjettarbeid
• Medlemsservice og administrativ støtte til gruppene
• Søknader om støtteordningar, momskompensasjon og spelemidlar
• Oppfølging av sponsorar og samarbeidspartnarar
• Koordinering og støtte ved arrangement og aktivitetar
• Kommunikasjon, nettside og sosiale medium
• Bidra til vidare utvikling av tilbod, system og arbeidsprosessar i idrettslaget

Kvalifikasjonar

Du bør vere komfortabel med økonomi og administrative oppgåver, ha gode digitale ferdigheiter og kommunisere godt med ulike menneske. Du må kunne arbeide sjølvstendig, men samtidig trivast med samarbeid i ein organisasjon der frivillig innsats står sentralt.

Erfaring frå økonomi, administrasjon, prosjektarbeid, organisasjonsarbeid eller idrett er ein fordel. Det viktigaste er likevel at du er strukturert, løysingsorientert og flink til å få ting gjort.

Vi tilbyr

Ein variert og sjølvstendig jobb med stor kontaktflate og moglegheit til å påverke utviklinga av Sykkylven IL. Vi tilbyr fleksible arbeidstider og eit støttande arbeidsmiljø saman med 2 andre fulltidsansatte. Vikariatet kan tiltredast omgåande og varer til april 2028.

Kontaktperson: Trond Bonesmo, 9241770, leiar@sykkylven-il.no